Startar eige interiørstudio

Interiør handlar om meir enn pynt og trendar. Det er utgangspunktet for Greta Nesheim Drange (35), som nyleg har starta interiørstudioet Studio Stue. Ho er oppvaksen i Vats, og bur i dag i Etne saman med mann og to barn. Målet med Studio Stue er å skapa rom som faktisk fungerer i kvardagen – ikkje berre visuelt, men også praktisk og mentalt.

Nesheim Drange fortel at mange merkar at dei ikkje heilt trivst i eit rom, utan å vita kvifor. Ofte handlar det om lys, akustikk, flyt eller materialval.

— Det er det kreative eg trivst best med, seier ho.