Even Høydahl er seniorrådgivar i Statistisk sentralbyrå (SSB)
Foto: Aleksander Andersen / NTB / NPK
SSB: – Utviklinga er urovekkjande for mange distriktskommunar
Ein fersk rapport frå Statistisk sentralbyrå (SSB) viser at trenden med at flyttestraumen går frå distrikta til meir urbane strøk held fram. – Urovekkjande for distrikta, seier seniorrådgivar Even Høydahl.
Høydahl har følgt grupper av ungdomar som var 15 år i perioden 1978 til 2022 fram til dei var 35 år gamle.
– Hovudtrekka i flyttehistoriene til ungdom på veg til ferdig etablert» er i samsvar med analysar som Kjetil Sørlie i NIBR gjorde på starten av 2000-talet, sjølv om det er ein del endringar. Endringane er likevel små, og mønsteret i flyttinga er så stabilt at det nok er meir påfallande enn endringane, seier Høydahl til NPK.
I rapporten har han delt inn norske kommunar i seks kategoriar
etter det han kallar sentralitet. Kategori 1 og 2 er blant anna dei mest sentrale kommunane, slik som Oslo, Bergen, Stavanger og Trondheim, medan kategori 6 er dei mest utprega utkantkommunane.
