Sprek på alle vis

Han har vore med alle dei 34 gongene Etnefjellturen er arrangert. Han har bak seg rundt 40 Dyrskarrenn òg, men her veit han at han har stått over eit par.

Den tidlegare KrF-politikaren har vore ei markant stemme i samfunnsutviklinga i Etne i mange år. Nå i høg alder er engasjementet trappa noko ned. Likevel er han ein person som er tydeleg, og som kan uttala seg med brei erfaring.

Av ein stor søskenflokk blei halvparten att i heimbygda, mens tre hamna i Stavanger. Hans to år yngre bror Gunnar Berge, gjorde politisk karriere med 24 år på Stortinget, tre gonger minister og yrkesmessig som toppsjef i Oljedirektoratet.