Spennande dag på torget
Tre år gamle Lukas Amend elskar alt som har med brannfolk og brannbilar å gjere. Laurdag fekk han prøve å halde ein ekte brannslange for første gong.
Med hjelp frå mamma Linda Giersch fekk snart fire år gamle Lukas Amend gjere noko han hadde drøymd om å lenge. Nemleg å få prøve å sprute vatn med ein ekte brannslange.
— Dette er det einaste han har auge for. Han har sett alt av Brannmann Sam, og han har gleda seg veldig til at brannbilen skulle kome hit i dag, fortel mamma Linda Giersch.
Guten, som fyller fire år om ikkje lenge, hadde planlagd å ha med seg sin eigen brannhjelm, men den hadde blitt forlagt i ein annan bil enn dei tok. Men det såg ikkje ut til å legge nokon dempar på opplevinga.
