Sommaropne kyrkjer etter avtale

Tilbodet er gratis og alle som har lyst til å ta ein kikk inne i kyrkjene i Skjold, Vats eller Vikebygd kan ta kontakt med ansvarlege for omvisinga. Det blir sett opp ein plakat ved kvar av kyrkjene med informasjon om kyrkja og kven som skal kontaktast.

— Me er blitt einig om at alle som vil besøkja kyrkjene i sommar kan få det. Det er kjekt å kunne tilby dette til turistar og andre som er interessert. Me hadde ope kyrkje i Vikebygd i fjor og me hadde nokre som var interessert, seier Ingrid Mathilde Sørvåg i soknerådet.

Kyrkjene har mange spanande historiar som dei besøkjande kan få eit innblikk i, og skulle det vera noko som er av spesiell interesse kan folk koma med ønske om kva tema dei vil omvisaren skal fortelja om.