Sommaren er Apalvik
Kristin-Elfi Flåto er tilbake i sitt sommarparadis, Apalvik, der ho har vore kvar sommar sidan barndommen.
Kaffien er klar, kjeksa er på fatet og gjestfridomen er stor. Me er i Apalvik på Bjoa, og det er Kristin-Elfi Flåto som ønskjer velkommen. Inne på kjøkenet ligg ein koloss av ein katt dei færraste har sett maken til. Katten har offisielt namnet Prins, men lyder for det meste pus». Den store, grå og reinrasa katten er blitt med på flyttelasset frå Haugesund, der han og matmor bur i vinterhalvåret. No er det derimot sommar, noko som tyder eit idyllisk tilvære i deira ferieparadis. Ein stad Kristin har sterk tilknyting til.
Sterke røter
Kristin-Elfi Flåto er fødd og oppvaksen i Bergen, men har vore i Apalvik alle sine somrar. Huset me sit i har vore i familien hennar sidan før ho blei fødd.
