Sommarbibliotek for alle
Veit du at du kan låna ei bok på biblioteka i Etne eller Vindafjord, og levera boka på ditt eige bibliotek når du kjem heim frå ferie? Biblioteka tilbyr dessutan alt frå symaskin til boccia i sommar.
Biblioteka i Vindafjord og Etne er såkalla meiropne» bibliotek, noko som gjer at dei er tilgjengelege for folk med registrert nasjonalt lånekort og avtale om tilgang til meirope bibliotek. Dermed har ein tilgang på biblioteket i Vindafjord dagleg frå 7 til 22, medan Etne tilpassar seg kulturhuset sine opningstider.
Vanlege boklån veit alle om, og kanskje at det er eit breitt utval av nasjonalt dekkjande aviser dagleg tilgjengeleg for lesing i harmoniske omgjevnader. Er været dårleg kan du tilbringa timar innandørs åleine, eller saman med andre i ulike aktivitetar.
Aktivitetar er det òg på utsida av biblioteket, spesielt i Ølen, og her kan nemnast utlån av utstyr til bruk i den flotte aktivitetsparken som ligg like utanfor biblioteket.
