Butikken var innbydande og nyrenovert då han opna i 2022
Arkivfoto: Grethe Hopland Ravn
Slutt for strikkebutikk
Etter to år med ein populær og unik strikkebutikk, har Marthe Jordal valt å avvikla Marthes Strikkekjellar. Laurdag blir siste opningsdag, og ho ser tilbake på ei tid fylt av gode minne og nye vennskap.
Marthes Strikkekjellar har vore ein fin møteplass for strikkeglade i Etne sidan opninga i november 2022. Det starta som ein draum om å skapa ein plass for inspirasjon og kreativitet, og utvikla seg til å bli eit lite samlingspunkt der nye vennskap og fellesskap oppstod rundt strikkepinnar og garnnøste. No, etter to spennande og lærerike år, vel Marthe å avslutta.
I ein Facebook-post legg ikkje Marthe skjul på at ho er stolt over det ho har fått til, og ho kjem til å hugsa denne perioden med glede.
— Eg er utruleg stolt over meg sjølv for at eg hoppa i det og klarte å skapa ein så unik og fin strikkekjellar, skriv ho i innlegget sitt.
