Slo legevaktslege og truga helsepersonell

Hendinga skjedde i mai 2025, då legevaktslegen var på jobb. Midt på dagen rykte legen ut saman med to ambulansearbeidarar etter melding om ein bevisstlaus person ute i ei eng.

Då dei kom fram fann dei mannen, og dei sikra staden før dei undersøkte han. Ei båre blei henta fram og lagt ved sida av mannen, legen med ambulansepersonell løfta han over på båra. Det var då mannen brått vakna til – og slo legen relativt hardt i tinningen med knytta neve.

Mannen ville ikkje ha meir hjelp, og kalla helsepersonellet for idiotar. Dei oppfatta mannen som trugande og trekte seg etterkvart tilbake. Politiet blei kontakta og fekk informasjon om hendinga.