Ane Sandal Solberg og Håvard Kambo håpar kommunen imøtekjem krava deira om høgare vakttillegg.
Foto: Grethe Hopland Ravn
Etne kommunestyre
Slik vil politikarane kome dyrlegane i møte
Framtidig godtgjering for veterinærvakt stod på agendaen i Etne kommunestyre tysdag.
Kommunen sine tre veterinærar har som Grannar tidlegare har skrive sagt opp vaktavtalen for produksjonsdyr og krev auka godtgjering for vakt utanom ordinær arbeidstid, samt at deler av vaktordninga ikkje lenger blir delt med Vindafjord kommune.
Endringsforslag
Etter ei liten endring i forslaget signert kommunedirektøren, blei Andreas Aune (Sp) sitt endringsforslag vedtatt. I det endelege forslaget heiter det at kommunen skal avslå kravet om å dobla vaktgodtgjersla i kommunalt tilskot. Det heiter også at kommunen skal seie opp vaktavtalen med Vindafjord kommune til ein kostnad av 175.000 kroner årleg, og at kommunestyret skal gi eit individuelt kommunalt tilskot per veterinær (3 stk.) på 125.000 kroner årleg.
