Tage Aarekol frå Ølensvåg satsar som skiskyttar og skal gå eit renn på Lygna i helga.
Nils Tokheim
Skiskyttar i aksjon på Fjellstøl
Kanskje er det ein lokal skiskyttar på veg opp. Tage Aarekol var å sjå på karusellrenn på Fjellstøl onsdag, tre dagar før han deltek i Norgescupen i skiskyting på Lygnasetra på Hadelandsheia.
Det har gjennom dei siste tiåra vore habile langrennsløparar og skyttarar frå Vindafjord og Etne. Fleire har hevda seg på Landsskyttarstemnet, og Chris Jespersen frå Skånevik har hevda seg godt internasjonalt i langrenn både i OL, Tour de Ski og World Cup.
Det var ein framand tanke for 40-50 år sidan at Vindafjord eller Etne skulle fostra skiskyttarar på nasjonalt plan. I 2026 er ikkje det umuleg. Så den snart 21 år gamle Tage Aarekol frå Ølensvåg kan bli den neste lokale skiløparen me får sjå på TV-skjermen.
Han satsa fram til før fjorårssesongen framfor alt på langrenn. Han gjekk vidaregåande i Sirdal, og der fekk han auka interesse for skyting.
