Skiftar namn og ladar opp
Vikebygd amatørteater kryssar fingrane for at 2021 skal bli eit premiereår. Med nytt lydanlegg og nytt namn; Vikebygd revy og teater, er dei klare for opplading til teater så snart det blir råd for å møtast igjen.
Revylauget som i dag heiter Vikebygd revy og teater, er ikkje meir enn knappe fire år gamalt. Likevel har dei allereie fleire premierar på samvitet, og mange aktive medlemmer. Berre i barne- og ungdomsteateret er over 20 barn og unge aktive, og om alt hadde gått som planlagt, hadde dei arrangert premiere på ny framsyning i november i fjor. Men slik gjekk det sjølvsagt ikkje, på grunn av pandemien.
— Me hadde planar om oppstartsmøte til ny førestilling 24. mars i fjor, men då var allereie heile Noreg stengt ned. Då alt letta litt opp på vårparten i fjor, starta me så vidt med øvingar igjen, men så kom bølje to. Det er vanskeleg å få kontinuitet i dette når det blir så mange pausar, seier styreleiar i teatergruppa, Rolf Julsrud.
Frå både Bjora og Vikebygd
