Skal bestemme fellingsavgift for hjort og elg

Dette opplyser Etne kommune på nettsida si. Dei skriv at kommunane har vorte oppmoda av Landbruksdirektoratet og viltforvaltaren i Vestland om å utarbeide lokale føresegner for fellingsavgift for hjort og elg.

Fordelen med å etablere ei forskrift er ifølgje Etne kommune mellom anna at ho må sendast på høyring før ho blir vedteken, og at ho blir lett å finne i Norsk Lovtidend og på Lovdata.no for alle som er interesserte.

Viltutvalet i Etne kommune vedtok 19. november 2025 å sende utkast til forskrift for fellingsavgift for hjortevilt på høyring til alle hjorteviltvalda i kommunen, til det interkommunale hjorteviltutvalet, viltforvaltaren i Vestland fylkeskommune og Statsforvaltaren i Vestland. Innan høyringsfristen var det svært få som hadde levert uttale. Høyringsfristen blei difor utvida.