Sjokkert over kva dei fann i naturen
Kven i alle dagar er det som kastar frå seg ein hanske i naturen? undrar Siri Espevoll Leifsen (4.kl) og Ida Fosen (3.kl), og er glade for at den ikkje hamna i havet. Der er det nemleg nok plast og søppel frå før.
Ivrige barn og ungdommar saumfarar både byggefelt og strandsona i Vikedal, på jakt etter plast og søppel. Måndag denne veka tok 3.- og 4-klassingane føre seg byggefeltet på Søndenå, mens 10. klassingane gjekk i strandsona og ved bygdehuset. Fangsten var heller ikkje liten.
— Sjå denne hansken då! Eg synest den var ekkel, seier Siri Espevoll Leifsen og Ida Fosen.
Dei held opp ein drypande våt hanske, som tydelegvis har lege ute under opne sluser i lengre tid. Ikkje luktar han godt heller.
