Sjeldan rovfugl sto fast i kråkefelle i 19 dagar
Midt i fredingstida for kråke gjekk ein sjeldan og GPS-merka rovfugl i ei kråkefelle i Vindafjord.
Frå 1. april til 14 juli er det fredingstid for kråka. Likevel har ei kråkefelle i Vindafjord fanga fuglar, noko som er ulovleg i ynglingsperioden. Det alvorlege brotet på viltlova vart avslørt på ein måte som bør setje ein støkk i ein kvar som med overlegg eller aktlaust har fanga fuglar i fredingstid: Ved hjelp av GPS-teknologi og satellittar i verdsrommet er det nokon som følgjer med.
Varsla av tjekkisk forskar
Alarmen gjekk ikkje i Vindafjord, men om lag 120 mil i luftlinje lenger sør, på kontoret til ein forskar ved eit universitet i Tsjekkia. For det er i samband med tsjekkisk forsking på fuglearten svartglente at den aktuelle fuglen er blitt merka med GPS-sendar.
