Anne Karin Hårajuvet leiar i Vindafjord pensjonistforbund.
Arkivfoto: Irene Mæland Haraldsen
Sjå kva som skjer: Kultur- og fritidsveke 5
I komande veke skjer det mykje i Grannar-ditriktet. Det er alt i frå konsertar, pubkveld, musikkquiz til kveldskafé for kreftramma.
Vindafjord Pensjonistforbund inviterer til ope møte onsdag kl.11 på Sjøperlo med svindel og identitetstjuveri som tema. Identitetstjuveri og svindel er eit aukande problem, særleg blant eldre. Det rammar ofte eldre gjennom falske telefonsamtalar, e-postar eller meldingar. Svindlarar utgir seg for å vera frå banken eller offentlege instansar for å stela personlege opplysninga. På møte skal Haugesund sparebank og politiet koma og informera om tryggingstiltak ein kan gjera.
— Det er så aktuelt tema i tida, seier styreleiar Anne Karin Hårajuvet.
Måndag inviterer Frivilligsentralen og Vindafjord bibliotek til kveldskafé for alle med kreftdiagnose og deira pårørande. Kreftkoordinator Grete Skeie Sørhus skal halda føredrag. Tema for kvelden er musikk og helse.
