Sjå kva som skjer dei komande dagane

Laurdag 6. desember blir ei av dei travlaste dagane i kalenderen. På Bjoa inviterer sanitetsforeininga til julemarknad på bygdehuset, med nisse, julefilm, miniatyrskyting, jakt på julesokk og utstillarar som gir god førjulsstemning. Samstundes blir det adventssamling på Kyrkjetunet i Ølen, der Roar Vik talar, Gro Smørdal har misjonsinformasjon, og Duo Manna sørgjer for song. Minibasar og god servering er også ein del av samlinga.

I Vågen Bygdasenter same dag ønskjer «Vi over 50» alle danseglade velkomne til julebord. Jon Arne Markhus står for musikken, og styret lovar sosial stemning og god mat i kjent stil.

Søndag 8. desember er det Eviny som inviterer til informasjonsmøte om planinitiativet for eit mogleg vindkraftprosjekt i Vindafjord. Møtet på Skjold Arena er ope for alle som vil høyre meir om planane og prosessen vidare.