Sikrar arbeid i Sandeid og Sveio i fleire år

Ølen Betong skal levera elementa dei neste fire åra for den sørlege parsellen av Boknafjordtunnelen. Det er store dimensjonar, så leveransen er på ikkje mindre enn 340.000 kvadratmeter tunnelvegger og -tak.

Det er entreprenøren Implenia Norge AS som er avtalepartnaren til Ølen Betong AS.

I ei pressemelding denne veka opplyser dagleg leiar Lars Norekvål og divisjonsleiar Geir Arild Søndenå i betongføretaket i Ølensvåg at dei er svært nøgde med kontrakten og det gode samarbeidet med entreprenøren.