Etne og Vindafjord politistasjon i Ølen.
ARKIVFOTO: SIRIANNE VIKESTAD
Sett fri etter avhøyr
Mannen i 40-åra som blei gripen og sikta for å ha utført vald som førte til kroppsskade i Etne natt til søndag, er lauslaten frå varetekt. Han har framleis status som sikta.
Dette opplyser seksjonsleiar Kari Rørtveit ved Etne- og Vindafjord politistasjon. Mannen blei sett fri etter å ha vore i avhøyr måndag.
Måtte på sjukehus
Natt til søndag blei ein mann i 30-åra køyrd frå ein adresse i Etne til sjukehus. Politiet blei varsla av ambulansepersonell rundt klokka 04.30. Søndag blei ein mann i 40-åra pågripen i heimen sin og sikta.
