Litledalsvegen 330 er overdrege for 5,5 millionar kroner frå Hordaland fylkeskommune til Knut Flatebø. Handelen omfattar blant anna to bygningar (nedst på bildet) som var ein del av Etne vgs.
Arkivfoto: Espen Mills/etnebilder.no
Seld for nær ni millionar
Kjøparar av ein dei største gardane i Hordaland er det unge paret Lars Johan Flatebø (27) og Dorthe Svantesvold (32), som i dag driv gard på Høyland i Etne. Med på kjøpet av den ca. 1.300 mål store garden er ein mjølkekvote på 157.000 liter, fjellbeite, hytte på fjellet og jakt- og fiskerett.
Seljar er Senter For Bygdeutvikling (VSBU). Styreleiar Leif Grindheim seier at dei er svært nøgde både med prisen, ca. ein halv million over takst, og med kjøparane.
— Ja, me er godt fornøgde med denne handelen. Kjøparar er folk som me i dag kjenner som dyktige gardbrukarar. Prisen gjer at me sit igjen med vel fem millionar kroner når alle utgifter og gjeld er trekt i frå, seier Grindheim.
