Frå venstre: Helge Johan Toadalen, Robert Nordtveit, Magne Nordtveit, Bjarn Nordtveit, Sølvi Nordtveit, Toralv Tveit og Marianne Ihle ser fram til å bli kolleger etter at Bjarne Nordtveit AS har kjøpt Tveit Maskin AS.
FOTO: TORSTEIN TYSVÆR NYMOEN
Næringsliv
Sel verksemda til konkurrenten
Bjarne Nordtveit AS i Vats har kjøpt alle aksjane i den tradisjonsrike verksemda Tveit Maskin AS i Ølensvåg. Det overraskande oppkjøpet var eit faktum rett før nyttår.
Toralv Tveit, som fyller 72 år neste veke, forklarar kvifor han har vald å selje sine 65 prosent av aksjane i selskapet. Også dei tilsette Helge Johan Toadalen og Marianne Ihle som har eigd høvesvis 25 og 10 prosent sel sine delar av selskapet.
— Det er det at ein må byrja å tenkje på å trappe ned litt. Eg varer jo ikkje evig, og det er ingen av mine etterkomarar som har lyst til å drive vidare, fortel han.
