Seier nei til servering

I sitt framlegg til vedtak i møtet til Utval for oppvekst og omsorg på måndag, foreslår kommunedirektør i Vindafjord, Yngve Folven Bergesen, at kommunen ikkje skal gi allment skjenkeløyve for alkoholhaldig drikke frå 2,5 til 22 prosent alkohol til Christiansen AS. Dette grunnar han med at retningslinjene ikkje opnar for skjenkeløyve i kjøpesenter i tidsrommet når butikkane er opne.

I søknaden om dispensasjon frå retningslinjene viste Christiansen Bakeri til plasseringa til bakeriet på Ølen Senter som ifølgje søknaden er klart avgrensa frå resten av senteret, så vel som senteret sin sentrumsfunksjon i Ølen.