Hildegunn Wreim Myhre flyttar klesbutikken til Ølen senter og håpar å opne den nye butikken i byrjinga av mars.
Irene Mæland Haraldsen
Satsar vidare i nytt lokale
Butikkeigar Hildegunn Wreim Myhre satsar vidare og flyttar klesbutikken Myhre´s Dame-og herrekler til Ølen senter om ein månads tid.
— Eg må ut av dette lokalet som eg leiger, men
det skal bli betre å koma til senteret, seier Hildegunn W. Myhre.
Myhre har drive klesbutikk i ti år. Dei
første sju åra dreiv ho i Etne, og for tre år sidan flytta ho butikken til
Mulagata i Ølen. Omsetnaden har gått gradvis ned etter at ho kom til Ølen og
dei siste månadane før jul leika ho med tanken om å avslutta heile
butikkdrifta. Men nå ser ho lyst å framtida, og gler seg til nye arbeidsdagar i
Ølen senter.
— Nå er det ny giv. Eg gler meg.
Eg skal i alle fall halda fram med butikken til 2027. Då kan eg gå av med
pensjon, men om helsa held og kundane vil ha meg vil eg bli lenger. Eg
stortrivst i yrket. Eg er veldig glad i kundane og mange kundar er takksam for
at eg skal fortsetja, seier 65-åringen.
