Satsar på samhald, servar og store mål
Det er onsdag ettermiddag, og idrettshallen i Vikedal er fullt opp av volleyballspelarar i alle aldrar. Dei yngste spelarane frå 3.-6.klasse øver på slag til kvarandre over nettet, medan foreldra sitt på benken og følgjer med. Etterpå skal dei som trenar på herrelaget overta. På andre halvdelen riggar trenarar til for at jentelaget U17 kjem for si siste trening før sitt siste norgesmeisterskap for sesongen.
Mykje tid på volley
Maria Sølvberg (10.klasse) og Anna Skujina (9.klasse) er to av jentene som bruker mykje av fritida si i hallen i Vikedal. Dei har ambisjonar om ei karriere innan volleyballsporten. Talentet deira har allereie gjort at dei har kvalifisert seg til regionslaget for Rogaland U16, saman med lagvenninna Andrea E. Leifsen. Men til dagleg trenar dei i Vikedal saman med det lokale laget sitt, som også har utmerkt seg.
