Næringsliv
Satsar i nye lokale
Etter nesten eit år i mammapermisjon er Silje Molnes Åsheim (28) tilbake i salongen Siljes hud og velvære. No gler ho seg til å ta imot både gamle og nye kundar i nye og større lokale saman med Diamanten frisør i Etne.
Det er fredag føremiddag, og Carina Opedal har unna seg ein time for å ta vippeløft i det nye lokalet til Siljes hud og velvære.
— Det er så kjekt at du er tilbake, seier Opedal medan ho ligg på benken med augo igjen.
Silje Molnes Åsheim sit konsentrert og jobbar nøye med vippene hennar. Dei småpratar medan behageleg, roleg musikk spelar i bakgrunnen. Carina fortel at då Silje var i permisjon, kjøpte ho eit ferdig sett for å ta vippeløft, men ho torde aldri å bruke det. No er ho glad for at Silje er tilbake frå mammapermisjon, slik at ho kan koma inn att i rutinane sine.
