Martin Ødegaard, Erling Braut Haaland, Kristoffer Ajer og Antonio Nusa vart hylla av fleire titals tusen som hadde møtt fram til VM-folkefest på Rådhusplassen i Oslo måndag kveld.
Foto: Heiko Junge / NTB / NPK
SAS og Norse merkar VM-pågang
Både SAS og Norse Atlantic merkar auka etterspurnad etter flyreiser til USA etter den råsterke VM-kvalifiseringa til fotballandslaget.
– SAS ser no ein unormalt stor og tydeleg auke i talet på nordmenn som bestiller billettar til VM-landet USA, særleg til New York, skriv kommunikasjonssjef Øystein Schmidt i SAS i ein e-post til E24.
Då Noreg banka Italia 4–1 på San Siro i Milano søndag kveld, vart laget suveren gruppevinnar og klar for verdsmeisterskapen, som går av stabelen i USA, Mexico og Canada til sommaren. Reiselysta er stor, særleg i perioden rundt meisterskapsstarten 11. juni.
