Strandryddarar har fjerna heile 33 tonn boss frå strendene på Svalbard. Det er ny rekord.
Strandryddarane i organisasjonen Rydd i tide har sett ny rekord i innsamling av boss langs kysten av Svalbard. Det melder Handelens Miljøfond i ei pressemelding.
Til saman har dei i år samla inn 33 tonn boss, som er eitt tonn meir enn i fjor. Det tilsvarar meir enn eitt tonn dagleg. Ryddesesongen på øyene var nemleg berre 23 dagar i år, tida mellom ferdselsforbodet vart oppheva og snøen kom.
