Rydda bygda for giftig plante

Ein stor bygdedugnad blei det ikkje i denne omgangomgang, med initiativtakar Norleif Fjeldheim i bondelaget fortel at dei få som møtte, gjorde ein god innsats. Han trur at aksjonen dessutan har gjort at mange har fått opp auga for planta, som breier seg stort og som bøndene absolutt ikkje vil ha i fôret.

— Me hadde fått nokre tips om kor landøyda har etablert seg, og der gjorde me reint, spesielt ein koloni ved kyrkja. Resultatet blei rundt ti fulle sekker og plastposar. Etter avtale med Haugaland interkommunale miljøverk fekk me levert alt til Toraneset, fortele bondelagsleiaren.

Fint vêr og konfirmasjon i bygda var truleg årsaka til at oppmøtet ikkje var større. Men sjølv om dugnadsgjengen ikkje var stor, var det, ifølgje tilbakemeldingane, fleire som alt hadde vore ute og plukka fjerna den giftige planta på førehand og lagt det i restavfallet eller på vår base.