Butikksjef Marita Amdal ved Extra i Etne har fått inn rekordmange pakkar før jul.
Irene Mæland Haraldsen
Rekordtravle tider før jul
Med over to millionar pakkar å handtera i veka opplever Posten Bring den travlaste førjulstida nokon gong. Ved Post i Butikk på Extra i Etne har dei leigd inn ekstra hjelp for å ta unna alle pakkane som skal hentast og sendast før jul.
I postrommet på Extra i Etne er hyllene fylt til randen av store
og små pakkar og på govlet står traller med postpakkar som ennå ikkje har fått
hylleplass. Førjulstida er vanlegvis ekstra travel for personalet i Post i Butikk-avdelinga
ved daglegvarebutikken, og i år ser det ut til å bli ekstra mykje å hengja fingrane
i før jul.
— Det
er ganske mykje pakkar som kjem inn. Det er mykje meir i år enn i fjor. Sist
veke og denne veka har vore særs travel, og me har leigd inn ei ekstra vakt i
postdisken, seier butikksjef ved Extra Etne, Marita Amdal.
Samanlikna med resten av året er talet på sendingar meir enn
dobla i desember månad og når postbilen trillar inn pakketrallene utpå
ettermiddagen blir det ekstra trongt om plassen i det vesle postrommet.
