Rekord på rekord for norske eple

Det har aldri vore hausta så mykje norske eple – og aldri vore selt så mykje. Per 1. november var det omsett over 1500 tonn meir norske eple enn på same tidspunkt i fjor.

Bak suksessen ligg eit tett samarbeid mellom forskingsmiljø, produsentar, pakkeri, grossistar og daglegvarehandelen.

– I år vart det hausta 12.000 tonn norske eple. I dei 14 åra mine i bransjen har det aldri før vore hausta så mykje eple. Ekstra fint er det då å sjå at salet går så bra, seier Leif Øie, fruktlagerinspektør i Grøntprodusentenes samarbeidsråd (GPS), i ei pressemelding.