Rapport: For høg terskel i mobbesaker

Fleire elevar i Etne-skulen har truleg ikkje fått den hjelpa dei har krav på i saker kor dei har kjent seg krenka i skulekvardagen. Det syner ein ny rapport frå revisjonsselskapet Deloitte, som ved sitt arbeid med ein såkalla forvaltningsrevisjon har gått kommunen sitt arbeid med å sikre eit trygt og godt skulemiljø for elevane i Etne-skulen etter i saumane.

Det er kommunen sjølv, gjennom kontrollutvalet, som har bestilt forvaltningsrevisjonen. Det blir årleg gjennomført slike revisjonar for å få ein ekstern vurdering av korleis forskjellige kommunale tenester fungerer, og no var altså turen kome til skulane.

Fann lovbrot