Prydplante øydelegg kyrkjemur

I den eine enden av kyrkjemuren ved den gamle middelalderkyrkja på Stødle i Etne står ein frodig prydbusk og breier sine irrgrøne blader langs dei gamle steinmurane. Ved første augekast ser busken både vakker og dekorativ ut, men får den veksa ukontrollert kan den bli eit stort problem for vegetasjonen i området. Parkslirekne (Reynoutria japonica) spreier seg raskt og er ein av dei verste plantene å få bukt med dersom den får fotfeste.

Invaderande art

I 2018 blei den hurtigspreiande planten oppført på Norsk fremmedartsliste og er vurdert som svært høg risiko for stadeigne arter og naturtypar. Parkslirekne er også oppført på ISSG ( Invasive Species Spesialist Group) si liste over verdas 100 verste invaderande framande arter. For kyrkjeverge Aud Jorunn Baustad i Etne er planten blitt eit problem.