Politiet vil ha tips etter hærverk

— Me ønskjer å koma i kontakt med personar som har køyrt strekninga Skjold – Knapphus – Ølensvåg – Sandeid – Vikedal onsdag 14. januar i tidsrommet klokka 19.30–20.50, seier Kari Rørtveit, seksjonsleiar ved politiseksjonen ved Etne og Vindafjord politistasjon, i ei pressemelding.

Dei ønskjer særleg tips frå personar som har sett ein mørk personbil, og personar som har dashbordkamera eller annan video frå køyreturen og kan kontrollera opptak i det aktuelle tidsrommet.

— Har du gjort observasjonar eller sit på relevante videoopptak, ber me deg ta kontakt med politiet på 02800 eller via Nettpatruljen på Messenger, avsluttar Rørtveit.