Pinnekjøt er framleis bestseljaren

— Frå jakta byrjar i september, er hovudsesongen vår i gang. Då får me inn dei første råvarene til pinnekjøt, fenalår og andre spekeprodukt som skal vere klare til jul, seier Terje Lundal.

Brødrene Lundal er ei nisjebedrift som produserer kjøtvarer, pålegg og spekemat til storhushald, restaurantar og daglegvare. Ifølgje Lundal står juleproduksjonen åleine for rundt ein tredel av årsomsetnaden.

Historia deira starta ifølgje bedrifta si eiga nettside i Lundalen på 1870-talet. Då drog Johannes Lundal frå fjellgarden ved Åkrafjorden til Evanger på Voss for å læra seg å laga spekemat. Ferdig utlært kom han tilbake til Lundalen, og sidan den gong har me hatt ein ubroten spekemattradisjon i Lundal-familien.