Sosial ulikskap i bruk av sjukehus er spesielt tydeleg for planlagte polikliniske konsultasjonar, viser tal frå Statistisk sentralbyrå.
Illustrasjonsfoto: Gorm Kallestad / NTB / NPK
Personar med låg inntekt er sjeldnare på sjukehus
I 2022 fekk personar med låg inntekt i snitt 1,2 behandlingar på sjukehus, medan resten av befolkninga fekk 1,5, ifølgje tal frå Statistisk sentralbyrå (SSB).
– Sjølv om Noregs helsetenester nesten er fullfinansierte av det offentlege, ser vi ein sosial ulikskap i bruk av sjukehustenester, seier seniorrådgivar Geir Hjemås i SSB.
Ferske tal frå byrået
viser at nærare 40 prosent av den norske befolkninga fekk behandling på sjukehus i 2022.
Blant personar med vedvarande låg inntekt – ei gjennomsnittleg inntekt for hushaldet som ligg under 60 prosent av medianinntekt over tre år – fekk 340 av 1000 behandling på sjukehus.
