Ølensjøen Fus Barnehage AS er den private barnehagen som får det største kommunale driftstilskotet i Vindafjord våren 2025. Dei får nesten 13,3 millionar kroner. Barnehagen i Ølen hadde per 15. desember 2023 100 barn.
Nest mest pengar får Nausthaugen Barnehage AS i Vats, med litt under 7,8 millionar. Dei har totalt 61 barn. Nausthaugen Barnehage har lokale i Åmsosen i Nedre Vats. Fram til ombygginga der er ferdig, slik at dei kan huse alle barna i Vats, leiger dei lokala til den tidlegare kommunale barnehagen i Øvre Vats.
