Vaksineringa går unna både i Etne og Vindafjord for tida.
Passerer hundre smittetilfelle
Smittetalet held fram å auka lokalt og nå har truleg minst hundre personar i Vindafjord og Etne fått påvist covid-19. Dette viser tal Grannar har henta inn.
I løpet av helga hadde det lokale smittetalet nådd 94 tilfelle, fordelt med 61 på Vindafjord og 33 på Etne kommune. Nå vil dette talet auka.
Kommunane har måndag og tysdag ikkje gått ut med nye smittetalet på sine heimesider, men kommunaldirektør Yngve Folven Bergesen opplyser til Grannar at det tysdag kom inn fem nye positive prøvar på covid-19. Kommunen vil publisera siste utvikling om saka i løpet av onsdagen.
Kommuneoverlege Terje Kleiven opplyste til Grannar tysdag at dei venta på svar på 140 prøvar og har i gang 23 smittesporingar. Rundt 300 personar sit i karantene i kommunen. Mange av desse skriv seg frå smitte på Vindafjordtunet der fleire bebuarar og tilsette er smitta. Vindafjord meldte i helga om elleve nye smitta.
