På tuftene til Erling Skakke

Stødleplatået ligg spegla i sommarsol, og fjellformasjonen rundt ligg som han har gjort i tusenvis av år. Langs vegen som snor seg over dei gamle bondemarkene, traskar forfattar Tor Bertel Løvgren interessert og samlar inntrykk. Ein gong i tida budde Erling Skakke akkurat her, og Løvgren let fantasien få fritt utspel; bygningar med lukt av tjæra tømmerveggar, hærmenn som øvde på stridsferdigheiter, og tenestefolk som dreiv hastig mellom stabbur, eldhus og skålebygg. Han ser det føre seg.

— Å besøka Etne var i seg sjølv over all forventning. Det var spennande å gå rundt på det som den gong blei kalla Studla» og prøva å finna ut sånn nokolunde kor Erling Skakke sin gard var. Me fekk også koma inn i kyrkja. Det var flott. I tillegg trefte me på ei dame som lærte oss mykje om både terrenget og historia, seier Løvgren.

Besøker Erling Skakke