Henrik Økland tok helsefagarbeidar-utdanning gjennom rekrutteringsprogrammet Menn i helse. Programmet held fram i 2026.
Arkiv: Irene Mæland Haraldsen
På leit etter menn til helsesektoren
«Menn i helse» skal bidra til å
rekruttere fleire helsefagarbeidarar til kommunesektoren, og nå er Vindafjord kommune på leit etter nye
deltakarar til kull 2026, skriv Vindafjord kommune på heimesida. Motivasjon er
viktigare enn alder, du kan vere alt frå tidleg i 20-åra til godt over 50.
Under utdanninga vekslar du mellom ytingar frå Nav og lønn frå kommunen.
Informasjonsmøte
Vindafjord kommune
inviterer til eit uforpliktande informasjonsmøte der det vert gitt informasjon
om utdanninga, økonomi og jobbmoglegheitene. Helserekruttar frå tidlegare kull
er også til stades og deler sine erfaringar og anbefalingar. Informasjosmøtet
blir på Sjøperlo i Ølen den 9. februar.
