På Leir i Etnefjella
Eit innhaldsrikt program med utfordringar både høgt og lågt lokkar smila fram, og mange vennskapsband er allereie knytta. Det er Camp Hjørnås.
Camp Hjørnås samla denne veka 125 born i Etnefjellet, og kunne by på eit vidt spekter av aktivitetar. Etter ein liten pause i fjor, var leiren tilbake for fullt i år. Den blei arrangert for første gong i 2010, og har for mange etablert seg som eit sikkert teikn på at sommarferien er i gang.
Det er Etne Røde Kors som står i bresjen for leiren, der aldersgruppa er 1.-7. klasse. Her finn ein aktivitetar for ein kvar smak, og på programmet står mellom anna kanopadling, klatring, rappellering, vassball, sårsminking og snikring. Nytt av året er via ferrata», ei klatreløype der ein er sikra i vaierar boltra inn i fjellveggen. I tillegg til dette kan dei eldste av borna bli med på tur til Etne sitt svar på Trolltunga, nemleg Hårlandsnepane.
Stor aktivitet
