Knappe seks veker etter at produksjonsbedrifta Skakke Røykeri AS i Etne gjekk opp i røyk, er Jurgita Folkedal og Roy Martin Øyjord igjen på fote og klar med nye Skakke-produkt i butikkane.
Foto: Arne Frøkedal
På fote igjen etter at livsverket gjekk tapt
Utan stor omsorg, mange hjelparar og ein kraftig heiagjeng hadde dei ikkje greidd å reisa seg igjen. Knappe seks veker etter at livsverket gjekk tapt i brann, er Jurgita Folkedal og Roy Martin Øyjord tilbake med sine Skakke-produkt.
Det har vore mange opp- og nedturar sidan 9. august då Skakke Røykeri AS i Etne blei ramma av ein brann. 95 prosent av produksjonsutstyret gjekk tapt for bedrifta som i fjor omsette for 5,5 millionar og som var i startfasen på ein lovande opptur. I løpet av minuttar var alt lagt i ruinar, og ein tøff jobb for å koma seg på fote igjen starta.
— Dette har vore dei verste vekene i livet mitt. Det er vanskeleg å setja ord på det, men eg har hatt fleire turar i kjellaren» og vel så det, og er blitt overraska over kva humørsvingingar eg er blitt utsett for, seier Roy Martin Øyjord (58), gründer og eigar i verksemda som er mest kjent for sine røykprodukt av laks og aure under merkenamne Skakke.
Enorm støtte
