Øydelagde frysevarer for 200.000 i Etne og Vindafjord

I ei pressemelding skriv Gjensidige at tusenvis av eigarar av bustader og fritidseigedomar risikerer å eta bederva mat – heilt utan å vera klar over det. Årsaka er at mange kombiskap og fryseboksar ikkje er laga for låge temperaturar.

— Kombiskap, og særleg frysarar, er konstruerte for å stå i romtemperatur, helst over 10 grader. Det er det nok få som veit, seier kommunikasjonssjef Arne Voll i pressemeldinga.

I vanlege bustader står kvitevarer som regel i oppvarma rom. På hytter er situasjonen ofte ein annan. Der skrur mange varmen kraftig ned – eller slår han heilt av – når fritidsbustaden står tom. Dei same utfordringane oppstår dersom frysaren er plassert i ein kald kjellar, bod eller garasje.