Etter nesten 10 dagar vekke frå heimen kunne Lars Berge Gjerde endeleg gje hunden Luna ein god klem.
Privat
Overlevde 10 dagar i sprengkulda
Gleda var stor då hunden Luna endeleg kunne reddast etter nesten ti dagar i sprengkulda. For eigarane Lars og Margaret Berge Gjerde frå Vats blei det ein dag dei sjeldan vil gløyme.
— Det var både 17. mai og
julaftan på ein gong då Luna blei funnen. Det er heilt utruleg at hunden har overlevd så lenge,
seier Lars Berge Gjerde.
Den sju år gamle border collie-hunden Luna
stakk av natt til første nyttårsdag og først laurdag ettermiddag, nesten ti
dagar etter at ho forsvann, var ho tilbake til eigarane.
— Me frykta det verste. Rundt
huset her på garden har det vore minus 12 grader og andre stader i bygda har
det vore ned mot 20 minus. Og fredag bles det stikker og står, seier han.
