Over hundre skyttarar samla til Skånevikminiatyren

Frå tysdag til søndag har Skånevik skyttarlag samla skyttarar frå heile distriktet til Skånevikminiatyren – eit innandørs skyttarstemne som markerer starten på vintersesongen. I forkant har laget lagt ned eit stort dugnadsarbeid for å bygga om skytebanen i andre høgda i Skånevik Kultur og Idrettshall, med ny belysning, nye kulefangarar, ny standplass og nytt rom for standplassleiar.

Heilt eigen patent

For å få plass til både kafeområde og standplass, måtte dei tenkja kreativt. Løysinga blei ein heilt eigen Skånevik-patent»: Stamplassbua, der dei som styrer skytinga sit, kan rett og slett skyvast inn når ho ikkje er i bruk.