Åse Egland (t.v) saman med hunden Vicci (mellompuddel) og Lisabeth Aalen (t.h) med hunden Heino (mellompuddel).
JONAS SANDSGÅRD
Over 850 hundar på utstilling
I helga inviterte Ølen, Etne og Vindafjord hundeklubb (ØEVHK) til hundeutstilling i idrettshallen i Etne. Hallen var full av lokale hundeentusiastar, men det var òg gjester frå store delar av Noreg.
Omlag 850 hundar var innom hallen i løpet av helga, og like
mange hundeeigarar. I Noreg finst det rundt 400 ulike hunderasar, og over ein
fjerdedel av desse var representerte i Etne den siste helga i januar.
Styremedlem i ØEVHK, Svava Arnorsdottir, seier seg godt
nøgd med oppmøtet og engasjementet på laurdagen.
— Dette er eit samarbeidsprosjekt frå A til Å. Det er jo
starten på utstillingssesongen, noko som kan vera ein grunn til at det kjem så
mange. I tillegg har me godt underlag i ringane og eit bra dommarpanel. Me
prøver å leggja til rette så godt som mogleg for både hundar og utstillarar,
seier Arnorsdottir.
