Over 50 år i omsorgssyrket

Med over 50 års fartstid som helsefagarbeider, og nesten like lenge i fast jobb ved Vindafjordtunet, har 72 år gamle Vigdis Katrine Ohm frå Vats ingen planar om å leggja yrket på hylla med det første.

— Hadde det ikkje vore så kjekt så hadde eg ikkje jobba lenger. Gleda med å gå på jobb gir meg svært mykje, seier Vigdis Ohm.

At Vigdis Ohm trivst i yrket som helsefagarbeidar er det ingen tvil om. Sitt første møte med yrket hadde 72-åringen som tilsett ved gamleheimen i Vikedal, før vegen gjekk vidare til Vindafjordtunet. Her har ho vore i snart 50 år, og kunne for lengst ha lagt arbeidsdressen på hylla for godt. Men i staden har ho valt å halda fram i yrket så lenge ho kan.