Over 300 i Etne sentrum utan straum

Straumen ved delar av Etnesjøen forsvann i 19-tida måndags kveld, og ein time seinare mista også fleire område rundt sentrum straumen. Delar av Silla er utan straum, mens Haugen og Madsgård var utan ei stund – men dei fekk straumen tilbake etter minuttar.

Driftsingeniør i BKK, Geir Nilsen kan opplysa at det er lokalisert to feil på straumnettet i Etne. Den eine feilen kjem frå ei mast i området Skjensvoll, der det blei rapportert om både røyk og flammar frå masta.

I tillegg er det rapportert om ein kabelfeil på ein høgspentkabel mellom Kambe og Etnesjøen.