Over 100 barn på leir i Etnefjella

Det er kanskje ikkje så rart det blir litt lyd når godt over hundre ungar samlast til ei fartsfylt veke med noko for ein kvar smak. Etne Røde Kors si hytte på Hjørnås fungerer som hovudbase for det som har utvikla seg til eitt av sommarens høgdepunkt for mange, nemleg Camp Hjørnås. Leiren byr på utfordringar og meistringsopplevingar i fleng, og både i vasskorpa og fjellveggen er aktiviteten høg.

Snopekø

I området rundt hytta yrer det av liv. Kiosken er open, og her kan Sol Sørheim og Mariell Vevatne by på det meste av søtsaker som freistar dei unge leirdeltakarane. Jentene er med som to av over femti frivillige. Rekkja av godtesugne er lang, men køkulturen ser heldigvis ut til å vere nokolunde god.