Den mekaniske bedrifta i Sandeid har hatt ei oppsiktsvekkjande ferd sidan etableringa i 2016, og resultata på botnlinja har også vore solide. Koronaåret 2020 gav rekordresultat med seks millionar før skatt. Gründer og medeigar Thor Olav Helgevold (62) er godt tilfreds med tala.
— Veksten i fjor kjem frå kontraktar inngått før koronaen, men 2020 var eigentleg brukbart når det gjeld ordretilgang. På bemanningssida var det utfordringar ettersom me leiger inn folk for å ta toppar og desse var det vanskeleg å få tak i grunna pandemien, seier Helgevold, som er dagleg leiar i Vest Stål & Fasade.
