Kenneth Karlsen (FrP) etterlyste meir informasjon i rettstvisten mellom kommunen og tidlegare brannsjef.
Foto: Irene Mæland Haraldsen
Brannberedskap
Ønskte forklaring om manglande rettsmekling
Kenneth Karlsen (Frp) var kritisk til kommunen si handtering av den varsla rettsaka knytt til tidlegare brannsjef i Etne kommune.
Tidlegare brannsjef i Etne kommune leverte i januar ei stevning mot kommunen med bakgrunn i at han meiner seg urettmessig omplassert. Saka er fastsett til Haugaland og Sunnhordland tingrett i september. Under kommunestyremøtet i Etne kom Kenneth Karlsen (Frp) med kritikk til både ordførar og kommunedirektør der han etterlyser betre informasjon i saka. Han ønskte også svar på kvifor kommunen har avvist rettsmekling.
— Etne Frp ønskjer at kommunestyret får ei full orientering i saka der Etne kommune er stevna av tidlegare brannsjef. Det er uheldig rettsmekling er avvist utan at kommunestyret har blitt påkopla, sa Karlsen og reagerte på at ordføraren ikkje har orientert kommunestyret.
Fungerande kommunedirektør Åsmund Sekse meinte både han og ordføraren hadde sitt på det reine.
